by emma parker
Please don’t leave.
كنت بتكلم مع چوهي في إني مش بعرف أعمل إيه لما حد يبقي بيحبني و أنا مش بحبه و إني مش بعرف أقول ده بطريقة طيبة و من غير ما اخلي حد يضايق أو يتحرج، قالتلي إن مفيش طريقة طيبة تقولي بيها لحد بيحبك أنك مش بتحبيه. قالتلي أن ده مش ذنبي. و اني مش مضطرة أصحى من النوم عشان ارد علي حد عشان “مايزعلش” مش عشان أنا عايزة أعمل كده. و اني كنت مفهماه من الأول و ماعملتش أي حاجة غلط.. و أنا قولت موافقة و المفروض اني مقتنعة، لكن أنا زعلانة بجد. و حاسة اني خذلت حد رغم إني عارفة إني ماعملتش حاجة. بس أنا بحس وحش لما بحس أني كنت السبب في أن حد يضايق و بذات لو غصب عني..مش عارفة أعمل إيه غير أني أعتذر و ده طبعا مابيعملش حاجة.
أنا مش عارفة أصدق سخافة الفترة دي في حياتي. أنا حاولت أعمل كل حاجة عشان أحاول أخليها محتملة لكن بلا جدوي. أنا تعبانة و عندي حاجات كتير فا إيه؟ مش عارفة أعمل حاجة عشان تعبانة و في نفس الوقت مش عارفة أستريح عشان عندي حاجات كتير و مش عارفة أروح فين بجد.. أنا بصحي من النوم تعبانة فا مش عارفة ممكن أعمل إيه و و أنا بعمل الحاجات الكتير الي ورايا مش بعملها كويس عشان تعبانة و بفضل بقي في الدايرة دي.
الصبح سارة كلمتني علي الموبايل. أنا أتبسط فشخ إني سمعت صوتها كان بقالي سنة مثلا ماكلمتهاش ولا شوفتها..أنا دايما مهما عدي وقت و برجع أكلمهم بحس أني كنت لسه قافلة معاهم إمبارح و بنتفق هنلبس إيه عشان خروجة آخر يوم. أنا عمر ما كان في بيني و بين حد ألفة زي معاهم..بحس أني ببقي حقيقية و مرتاحة عشان هما عارفني كويس. مع أني عارفة أن الوقت الي عدي كتير.
عادة في الوقت ده من السنة ببقي عارفة أنا عملت إيه بظبط طول السنة و عايزة إيه بظبط السنة الجاية لكن السنادي أنا مش عارفة أي حاجة عشان انا مش بلحق أقعد مع نفسي، ده مش لذيذ و أنا مش بحب أحس أني تايهة
أنا من أول ديسمبر بتحايل عليه علي -ديسمبر- يصالحني زي كل سنة و يخلي السنة تخلص و هي جميلة بس هو بجد مش راضي..
أنا متضايقة من ماما الأيام دي ماعرفش ليه بس هي بتعصبني. بحس أن هي مش حاسة بحاجة أو مش مهتمة مش عارفة،مع أن أنا عارفة أن الكلام ده ممكن يكون في دماغي بس بس ده الي أنا حاسة بيه.. عشان كده مش عايزة أتعامل معاها شوية عشان لا أخليها تضايق ولا هي تضايقني.
أنا بقيت بحس أن كل الحاجات بتستهلكني و أني بهاتي في خرا فعلا. أنا بس عايزة أفهم العالم اني بعمل كل حاجة عشان ابقي شخص طيب و مهتم و عايز كل الناس كويسة و مش عايز يضايق حد و بيحاول دايما يساعد. و متوقعة طيبة بردو في المقابل. عشان هو مش عدل أني ابقي كل الي باخده قسوة و دوشة و قرف. أرجوك.
كنت عايزة اتفرج علي grey’s anatomy الحلقة الي كريستينا مشيت فيها،ماعنديش فكرة ليه لكن كان في صوت في دماغي بيقولي أني لازم اعمل كده النهاردة. فا بما إني مش هتفرج علي الحلقة و هنام عايزة أفكر نفسي أن “ he is very dreamy,but he is not the sun.you are. ”
دلوقتي هصلي و أنام عشان أصحي بدري أكمل الحاجات الي مش عارفة أعملها عشان تعبانة ، و مش عارفة استريح عشان اعملها.
me trying to express how I feel: Idk I just feel like…idk…idk…idk man. Nvm I’m good.
(my favorite) ways to say i love you
- you’re really something, aren’t you
- come here
- sit next to me?
- you’re my favorite
- i was just thinking about you
- i notice you all the time
- here, i made this for you
- this instrumental reminds me of you
- if you do it, i’ll do it
- i miss you so much
- i wish i had known you sooner
- you’re warm
